وضاع العمر يا ولدى

احيانا نتعلق ونرتبط باشخاص او اماكن ...لدرجه اننا نحيا بهم يشكلون جزء من حياتنا لا نستطيع الاستغناء عنهم نشعر بهم كأهل لنا ....لكننا بعد فتره نكتشف انهم لم يرتبطوا بنا كما ارتبطنا بهم وان شعورنا نحوهم كان مبالغ فيه ونندم على الوفاء لهم ....

لا نستطيع القول بانهم مخطئون ولا اننا مخطئون لكن لكل غائب حجته....ولكل انسان ظروفه التى توجهه ومشاغله التى تجبره ان يبتعد ويرحل...

لكنى استطيع ان اجزم بالقول انه لم ينظروا يوما وراء ظهورهم ليروا بعينهم كم احبهم هؤلاء الاناس...وكم تعلقوا بهم ...ولو شعروا بهم ما ابتعدوا ولغفروا لهم كل زلاتهم ...ولعرفوا قدر تعلقهم بيهم...ربما نشعر ان هؤلاء اخواتنا ...ابهاتنا وامهاتنا...ربما نشعر انهم كل حياتنا...

الكثير منا يفتقد المشاعر والحنيه فى وسط اهله يبحث عن اخرون ليستطيع تعويض

اوعى وشك..!!؟؟

يتعالى فى الاول اصوات ابواق السيارات والطريق واقف وحالته هم !!!!!!!!!!؟

ويدخل صوت الباشا ويزعق ويقول"وسع ياله للبيه المسؤل "جاتكوا داهيه يا بلاوى انا عارف بتطلعولنا منين" ويرد سائق الميكروباص معلشى يا بيه هم سواقين الميكروباص كدا اغبيه مبيفهموشى متضايقشى نفسك خد عفرلك بسجاره ! انت حتتسامر معايا يا روح ........!؟ امشى ياله متقوفشى هنا يالله بسرعه اجروا غورا جاتكم هم !!؟

انت ياحمار يا بتاع الميكروباص امشى يالله الوزير بيعدى اجرى ياعبيط

مسؤوول يعك ومسؤوول يفك

النهارده كان اغرب يوم فى حياتى اول ما نزلت من البيت لاقيت على طول ميكروباص اركبه بعد ما كنت بنتظر بالنص ساعه والساعه ....والشوارع كانت فاضيييييييييييه والعربيات كانت ماشيه بسرعه تخيلوا طريق الكورنيش الصبح يبقى سريع دى فى حد زاتها معجزه ...!!؟؟؟ والاغرب ان الاشارات كانت ماشيه بسرعه والعسكرى اللى كان بيقفل الاشاره وينساها ويروح يشرب شاى..!!؟؟ النهارده واقف وبيفتحها ويقفلها بانتظام والامن مستتب والمرور عال العال ...!!؟؟؟انا قلت لنفسى فى شىء غلط ما هو يا اما انا بحلم او الناس سابت البلد وهجت او مت وانا نايمه وصحيت لاقيتنى فى الجنه ......!!!!؟؟؟ ربنا ينولهالنا يا رب !!!؟؟

واول ما وصلت عند القصر العينى عرفت اللى فيها كان فى مسؤووووول مهم بيعدى !!!!؟؟؟

بصراحه انا عمرى ما شفت ديمقراطيه ومساواه زى اللى عندنا فى مصر ..!!!؟؟؟

لو بصينا كويس حنجد مظاهر المساواه سائده فى مجتمعنا تلاقى الجيب مرسيدس والام دابليو ماشيه جنب 128وال128 ماشيه جنب الاتوبيس اللى الناس مدلدلين منه .....!!؟؟؟

دى احدى مظاهر المساواه

بنكتب فى المدونات والجرايد ونشتم وننتخب الاخوان وننتخب المعارضه براحتنا خاااااااااااالص واللى بيكسبوا معروفين بس حق الانتخاب مكفول ومحدش بيتقفش ولا بينضرب ولا بيتاخد...

نحن نعمل تحت مبدا صوتى ياللى منتش غرمانه .!!!؟؟

الفيله ام ملايين جنب العشه ام ملاليم ....وكفايه انهم سايبين الغلابه عايشه كمان متنسوش محل الباتون ساليه جنب عم محمد اللى بيبيع فول(ملحوظه مصر كلها بقيت محمد واحمد)وجمال الاصدار القادم بأذن الله..!!؟؟

كفايه ان الملياردير يمشى جنب

حنعيش فى الشارع والحمد لله

يناقش مجلش الشعب اللى هو المفروض نائب عننا . ...فرض ضريبه على الشقق التمليك عن طريق انه يحسب تمن ايجار الشقه (اللى كل واحد مرزوع فيها او قافلها) فى كل منطقه ويتم دفع ضريبه سانويه تقدر بشهر من مقدار ايجار الشقه....

يعنى صوتى ياللى منش غرمانه الشباب كان مشكلته يجيب شقه حاليا حتبقى مشكلته ازاى يدفع تمن الضريبه السانويه لشقته يعنى ولا واخدين منك يا حكومه تعليم عدل ولا بتوفر شغل للعواطليه ..ولا لاقيين لقمه نضيفه ولا اعلام نضيف والشوارع زباله ...ولا عارفين نحمى ارضنا ولا عندنا اصلا جيش نقدر نصد بيه اى حرب ...ولغايه اربعين سنه والشباب لا لاقى شغل ولا جواز...وعبارات تغرق وشباب يموت فى مراكب صيد وكل دا وكمان ضرايب ع المسكن...

والحكومه تفرض

وبعد سنه وحوالى اربع شهور ولسه مستمره فى الكتابه معرفش مين بيقرا!!!؟ بس برضوا انا لسه بكتب يمكن....!!؟

ندخل فى الموضوع ...اسضافوا امس فى العاشره مساء مسؤووول كبييييييييرباين كدا والله اعلم هو بتاع وزاره الاجور ولا الاقتصاد اهو حاجه ليها علاقه بالشحاته اللى احنا عايشين فيها...المهم بقى كلام المسؤوووول الكبير اللى قعد وفرد ضهره وجاى من بيته وتاعب نفسه بارك الله فيه صراحتا.. عشان يقولك المصرى اللى بيصرف اقل من جنيه ونص فى اليوم دا فقير...اما اللى بيصرف اربعه جنيه ونص دا يبقى واحد مبسوووووووووط وان مفيش اى اجر فى مصر يقل عن 266 جنيه مخصوما منه 65عشان التامينات والمعاشات والدمغات....فى حين ان انا ليا واحده قريبتى طبيبه امتياز وبتقبض 158 جنيه دا غير بقى اللى لسه حيتخصم منها ..!؟ معرفش جاب منين 266 دى بصراحه ...وحتى لو بتقبض 300يكفوا ايه عيال ولا بيت ولا اكل ولا مواصلات....ولا هو احنا بنضرب ارقام وحدود وسطى منغير تفكير...اعتقد ان

يا خوفى يا اماااا

يا خوفى يا اما لا افوق ...الاقى حضنك كله مفروش شوك

ووجع قلوب ملايين بيتدارى.. من قلب من كتر طيبته كله شروق

يا خوفى يا اما لتكونى كمان بتبصى لفوق ..فوق صعب نوله طياره منغير طوق

وسنين سهر ومذاكره وكفاح مسروق ..لا عمل بييجى ولا الحنين بيروق

يا خوفى لتكونى كمان مصدومه ..

قارب يمر يعبى فيه الوفات ...والناس تموت كدا غرقانين فى سكات

متقلقيش سرك فى بير...